အစားအသောက်      

ဝက်လက် ထမင်းပေါင်း ချက်နည်း

တရုတ်စတိုင် ဝက်လက် ထမင်းပေါင်း။ 
ဝက်လက်ကို တရုတ်ဟင်းခတ် အမွှေးကြိုင်တွနဲ့ ရောချက်ထားတာမို့ အရသာရော၊ အနံ့ပါ စားလို့ အ၇မ်း ကောင်းမွန်ပါတယ်။ 
ဝက်လက် ထမင်းပေါင်းနဲ့ မုန့်ညှင်းစိမ်း၊ ကြက်ဥတို့နဲ့ အလွန်လိုက်ဖက်ပါတယ်။ ခုပဲ တူတူ ချက်ကြည့်ရအောင်..

ပါဝင်ပစ္စည်းများ

  • ဝက်လက် – ၂ခု (၁.၅ ကီလိုဂရမ်) (သန့်စင်အောင် ဆေးကြောထားပါ)
  • ကြက်သွန်ဖြူ – ၆မွှာ (ပါးပါးလှီးပါ)
  • ဂျင်း – လက်တဆစ် (ပါးပါးလှီးပါ)
  • ပဲငံပြာရည်(အကြည်) – စားပွဲတင်ဇွန်း ၃ဇွန်း
  • ပဲငံပြာရည်(အနောက်) – စားပွဲတင်ဇွန်း ၃ဇွန်း
  • သကြား – စားပွဲတင်ဇွန်း ၂ဇွန်း
  • ဆန်ဝိုင် – စားပွဲတင်ဇွန်း ၃ဇွန်း
  • ဗီနီကာ – စားပွဲတင်ဇွန်း ၂ဇွန်း
  • သစ်ဂျပိုး – ၁ခု
  • နတ်နတ်ပွင့် – ၂ခု
  • ကလဝေရွက် – ၂ခု
  • စီချွမ့် ငရုတ်ကောင်း (Hua Jioa) – စားပွဲတင်ဇွန်း ၁ဇွန်း
  • ကြက်ဥ – ၂လုံ (ကျက်အောင် ပြုတ်ပြီ အခွံနွှာထားပေးပါ)
  • ကော်မှုန့် – စားပွဲတင်ဇွန်း ၂ဇွန်း (ရေအနည်းငယ်ဖြင့် ဖျော်ထားပေးပါ)
  • မုန့်ညှင်းစိမ်း – ၁စည်း (ရေစင်အောင် ဆေးပြီ ထက်ပိုင်းပိုင်းထားပါ) (တွဲဖက်စားရန်)

 

ချက်ပြုတ်နည်း

၁။ အရင်ဆုံး ဒယ်အိုးတစ်ခုထဲ ဝက်လက်မြုပ်နိုင်မယ့် ရေပမဏထည့်ပြီ ပွက်ပွက်ဆူအောင် တည်ထားပါ။

၂။ ဆူလာလျှင် ဝက်လက်ထည့်ပြီ ၅မိနစ်ခန့် ထပ်တည်ပါ။
အပေါ်မှ အမြုပ်မှာ တက်လာလျှင် ဇွန်းဖြင့် ဖယ်ပေးပါ။

၃။ ပြီးလျှင် ရေများသွန်ပြီး ဝက်လက်များကို ပြန်ဖယ်ထားပါ။

၄။ ဒယ်(သို့) Pressure cooker ထဲ ဆီ(စားပွဲတင်ဇွန်း ၁ဇွန်း) ထည့်ပါ။
ဆီပူလာလျှင် သစ်ဂျပိုး၊ နတ်နတ်ပိုး၊ ကလဝေရွက်၊ ထည့်ပြီး ၁မိနစ်ခန့် ရောမွှေပါ။

၅။ ပြီးမျှ ကြက်သွန်ဖြူ၊ ဂျင်း၊ စီချွမ့် ငရုတ်ကောင်းတို့ကို ထည့်ပြီး ဆီသပ်ပေးပါ။

၆။ ထို့နောက် ရေ(၃ခွက်)၊ ဆန်ဝိုင်၊ ပဲငံပြာရည်(အကြည်)၊ ပဲငံပြာရည်(အနောက်)၊ ဗီနီကာ၊ သကြား၊ ဝက်လက်၊ ပြုတ်ထားသော ကြက်ဥ များကို ထည့်ပါ။

ရ။ ရိုးရိုး ဒယ်နှင့်ချက်လျှင် ဝက်လက်များကို နာရီဝက်ခြားတစ်ခါ တဖက်သို့ လှန်ပေးပြီး ဝက်လက်နူးအိသည်အထိ ၂နာရီခန့် မီးအသင့်တင့်ဖြင့် အဖုံးအုပ်ကာ တည်ပေးပါ။

(သို့)

ရ။ Pressure cooker နှင့် ချက်လျှင် ၄၅မိနစ်ခန့် ချက်ပေးပါ။

၈။ ဝက်လက် နူးအိပြီဆိုလျှင် ဝက်လက်ကို ဓားဖြင့် အဝိုင်းများ ပိုင်းဖြတ်ပေးပါ။ 
ကြက်ဥကို ၄စိပ်စိပ်ပေးပြီး မုန့်ညှင်းစိမ်းကို ရေနွေးဖျော်ပေးပါ။

၉။ ပြီးနောက် ဝက်လက်ပြုတ်ရည်ထဲ ဆူအောင် ပြန်တည်ပြီး ကော်ရည် ထည့်ပေးပါ။

၁၀။ ပန်းကန်ထဲ ထမင်း၊ ဝက်လက်၊ ကြက်ဥ၊ မုန့်ညှင်းစိမ်း တို့ကို ပြင်ဆင်ပေးကာ ဝက်လက်ဆော့ရည်များကို အပေါ်မှ ဆမ်းပေးပြီ အရသာရှိစွာ သုံးဆောင်လို့ရပါပြီ…

Credit : Wutyee Food House
 

 

သတင်းသစ်များ